SIMBA, MAZEMBE NA APR KUMUENZI MAFISANGO

Mabingwa wa  soka Tanzania bara Simba Sports Club 

aka Mnyama kwa kushirikiana na klabu za

 Tp Mazembe ya Jamhuri ya Kidemokrasia ya

 Congo DRC  pamoja na APR ya Rwanda, zipo katika

 mchakato wa kuandaa mechi maalum kwa ajili

 ya kumuenzi aliyekuwa mchezaji wao, 

Patrick Mutesa Mafisango.

Mafisango ambaye alifariki dunia wiki iliyopita jijini 

Dar es Salaam kwa ajali ya gari alizikwa nyumbani

 kwao Kinshasa, Congo.

Makamu Mwenyekiti wa Simba Geofrey Nyange 

 amesema jana kwamba, hawana budi kumuenzi

 mchezaji huyo kutokana na kutoa mchango mkubwa

 kwa timu hizo enzi za uhai wake.

Aliongeza kuwa fedha zitakazopatikana zitapelekwa

 katika familia ya Mafisango ili ziweze kusaidia wake 

na watoto wake.

Aidha, Simba imezishukuru timu za Yanga

 kupitia wazee

 wa baraza, Azam Fc, Coastal Union,

 Villa Squad ,

 kampuni ya simu za mkononi ya Vodacom na

 Kampuni ya bia Tanzania (TBL) kupitia bia ya

 Kilimanjaro kwa michango yao ya hali na 

mali baada ya kutokea kwa msiba huo.