WAJUMBE WAPINGA KUJIUZULU KWA NCHUNGA

wajumbe wa kamati ya utendaji ya klabu ya Yanga

 wakizuia kujiuzulu kwa mwenzao Mohammed Bhinda (pichan),

 badala yake wajumbe hao walimtaka mwenyekiti wa

 klabu hiyo Lloyd Nchunga kujiuzulu.

 Maamuzi hayo yalifikiwa juzi katika kikao cha kamati ya

 utendaji ya Yanga kilichoketi kwa ajili ya kujadili

 mustakabali mzima wa hali tete inayoendelea ndani 

ya klabu hiyo, pamoja na barua ya masharti waliyopewa 

na aliyekuwa mfadhili wa klabu hiyo Yusuf Manji.

 Habari zilizopatikana toka ndani ya kikao hicho zinaeleza kwamba, 

baada ya Bhinda kuwasilisha barua yake ya kujiuzulu,

 wajumbe hao wakiongozwa na Salum Rupia walizuia

 zoezi hilo kwa madai ya kwamba kiongozi huyo

 ni muhimili mkubwa ndani ya uongozi huo.

 Imeelezwa kuwa, pamoja na kugoma huko, wajumbe 

hao walidai kuwa ni heri Nchunga ajiuzulu kwani ndiye 

anayelalamikiwa zaidi na wanachama wa klabu

 hiyo lakini si Nchunga hivyo kumshauri aachie ngazi.

 Mmoja ya wajumbe hao alieleza kwamba baada ya

 kumsauri Nchunga kuachia ngazi aliwaomba  wampe

 siku mbili au tatu afikirie zaidi ushauri huo kabla ya kutolea uamuzi.

 “NI kweli tulizuia barua ya kujiuzulu kwa Bhinda kwani

 bila yeye hakuna lolote katika uongozi wa Yanga na

 tulimshauri Nchunga ajiuzulu kwani matatizo

 yote hayo na kelele kutoka kwa wanachama

 vinamlenga yeye,”alisema mjumbe mmoja.

 “Kama tusipomshauri afanye hivyo itakuwa ngumu

 kufanuikisha mambo mengi ambayo yanaikabili timu yetu

 yanayohitajika kufanyika haraka iwezekanavyo na kwa

 hali yake ya kuendelea kuwepo ndani ya Yanga kutafanya

 mambo yaendee kuwa magumu zaidi,”aliongeza .

 Kikao hicho kilihudhuriwa na wajumbe wachache baada ya

 wengi wao kutangaza kubwaga manyanga kutokana na

 kuchoshwa na hali ya sintofahamu inayoendelea ndani ya

 klabu hiyo, ambapo tayari  Makamu Mwenyekiti Davis Mosha

, pamoja na wajumbe Seif Ahmed, Ali Mayay, 

Bhinda na  Mzee Yusuf  walitangaza kung’atuka

 Kwa sasa Yanga imebaki na wajumbe wanne, wakimo 

 Sarah Ramadhani,Tito Osoro, Charles Mgondo, na Salum Rupia.

 Hata hivyo, Nchunga ambaye jumapili iliyopita

 alivuliwa madaraka hayo na wanachama zaidi

 ya 700 waliokutana makao makuu ya klabu hiyo

 iliyopo mitaa ya Jangwani na Twiga, hakupatikana

 kuzungumzia suala hilo baada ya simu yake

 kuita bila kupokelewa.

 Hivi karibuni, uongozi wa Yanga ulijikuta katika

 msigano na wanachama wa Yanga wakiongozwa

 na baraza la wazeee na baadhi ya vijana wakitaka

 ujitoea madarakani kutokana na 

kushindwa kuiletea

 mafanikio timu hiyo ambayo ilijikuta ikiutema

 ubingwa wake wa ligi kuu bara ulionyakuliwa na 

mahasimu wao Simba na yenyewe kuishia nafasi ya tatu. 

Aidha, uongozi huo unadaiwa kushindwa kuwalipa

 wachezaji pamoja na viongozi wa benchi la ufundi

 hatua ambayo imepelekea benchi la ufundi kuachia ngazi, 

huku klabu hiyo ikiwa mbioni kutaifishwa na 

mahakama kuu baadhi ya

 mali zake kutokana na deni la milioni 106. 

Tayari Shirikisho la Soka Tanzania (TFF) lilikemea

 mapinduzi yaliyofanywa na wanachama wa Yanga kwa

 madai ya kukiuka kanuni, huku wakidai kutotambua

 mapinduzi hayo na kuwataka

 wanachama hao kutumia busaya katika

 kutatua suala hilo. 

Hata hivyo, wazee hao wametishia kuifuta Yanga

 TFF na kuihamishia Visiwania Zanzibar, pia kuwasilisha

 ombi maalum kwa taasisi ya kuzuia na kupambana

 na rushwa (TAKUKURU) ili imchunguze Nchunga kwa

 madai kuwa huenda kuna ubadhirifu anaoufanya

 ndiyo maana hataki kung’oka Yanga.