KOCHA MPYA ENGLAND AANZA VYEMA

Roy Hodgson ameanza kuiongoza timu ya taifa ya England vyema

 kama meneja, kwa kupata ushindi wa bao 1-0 dhidi ya Norway,

 katika uwanja wa mjini Oslo wa Ullevaal.Bao la Ashley Young

 limempa nguvu meneja Hodgson katika mechi yake ya kwanza

 kama meneja wa EnglandKabla ya mechi hiyo, England ilikuwa

 imeshindwa kuishinda Norway katika kipindi cha miaka

 32 iliyopita.Ashley Young ndiye aliyefunga bao hilo la pekee

 katika mechi hiyo, katika dakika za mwanzomwanzo za mechi

 hiyo ya kirafiki. Hodgson alipata nafasi nzuri ya kuwatizama 

wachezaji wa England ambao ataweza kuwashirikisha zaidi

 katika juhudi zake za kuisuka vyema timu yake itakayoshiriki

 katika mashindano ya Ulaya ya Euro 2012, baada ya kuchukua

 kazi hiyo kutoka kwa Fabio Capello.Timu ya England

 ilionyesha nidhamu ya hali ya juu na anayoitazamia

 Hodgson, lakini wengi bila shaka wanafahamu timu

 ambayo England itakutana nayo, Ufaransa, tarehe 11

 mwezi Juni katika mji wa Donetsk, haitacheza sawa na

 timu waliyopambana nayo mjini Oslo.Lakini yalikuwa ni

 mazoezi ya kuridhisha kwa Hodgson, ambaye sasa ataweza

 kukinoa kikosi chake vyema zaidi katika mechi nyingine

 ya kirafiki katika uwanja wa nyumbani wa Wembley, 

Jumamosi ya tarehe 2 Juni, wakati England 

itakapoikaribisha timu ya taifa ya Ubelgiji.

Chanzo BBc Swahili